Viltu keppa meðal hinna bestu í Meistaradeildinni?

​Þá gefst nú tækifæri til þess, þar sem boðið verður upp á uppboðssæti í bæði tölti og flugskeiði á lokamóti Meistaradeildar Líflands sem haldið er á Ingólfshvoli laugardaginn 24. apríl n.k.

Á lokamótinu munu margir þekktir knapar og hestar koma fram og ljóst að um afar spennandi keppni verður að ræða. Því er því gríðarlega spennandi fyrir knapa, sem vilja koma sér og hestum sínum á framfæri, að næla sèr í uppboðssæti og vera með í þessum sterku keppnum.
 
Uppboðið fer þannig fram að senda þarf inn upplýsingar um knapa og hest á [email protected], hvaða grein viðkomandi vill keppa í og hvaða upphæð viðkomandi er tilbúin að greiða fyrir sætið sitt. Uppboðið byrjar í 30.000 krónum. Uppboðinu líkur á miðnætti á miðvikudaginn 21. apríl.
 
Keppni í tölti hefst kl 17:00 og verða beinar útsendingar bæði á RÚV2 og Alendis Tv.