Fimmgangur föstudaginn 3. mars

Föstudaginn 3. mars verður keppt í fimmgangi í Meistaradeild Líflands í HorseDay höllinni, Ingólfshvoli. Þetta er óneitanlega eitt af skemmtilegustu kvöldum deildarinnar þar sem glæsilegustu alhliðahestar landsins mæta til leiks. Í fyrra voru það Árni Björn Pálsson og Katla frá Hemlu II sem stóðu uppi sem sigurvegarar. Það verður spennandi að sjá hvort þau mæti aftur til leiks og verji titilinn. Við megum búast við því að núverandi Íslandsmeistarar Sara Sigurbjörnsdóttir og Flóki frá Oddhóli mæti og veiti þeim samkeppni en það mun ekki koma í ljós fyrr rásröð verður birt á miðvikudegi fyrir mót þegar dregið er í beinni útsendingu á Alendis. 

Við erum stolt af því að tilkynna að Toyota Selfossi ætlar að þessu sinni að bjóða áhorfendum í höllina. Veitingarnar verða á sínum stað og nú þegar er byrjað að taka við pöntunum. Lítur út fyrir að það verði húsfyllir og frábær stemning verði í HorseDay höllinni. 

• Lambalæri með sveppasósu, kartöflugratín, steiktu grænmeti og salati. 
• Vínarsnitsel með tilheyrandi meðlæti.
• Eldbakaðar pizzur og pizzusneiðar.
• VOR samlokur.
  
  

Þeir sem panta mat á [email protected] fá sæti merkt sér á besta stað i stúkunni. Tilvalið fyrir vinina og eða fjölskylduna.

Hlökkum til að sjá ykkur í HorseDay höllinni,
stjórn Meistaradeildar Líflands.