Eyrún Ýr og Hrannar frá Flugumýri II sigra fimmgang MeistaradeildAR Líflands 2024

Þriðja keppniskvöld Meistaradeildar Líflands fór fram í kvöld, 29. febrúar, þegar keppt var í fimmgangi. Margir sterkir hestar voru skráðir til leiks, miklir reynsluboltar innan um nýja og efnilega. Það var ljóst að hestar og knapar mættu undirbúnir til leiks og gáfu allt í sínar sýningar. Einstaka knapar glitruðu fyrir Einstök börn en í dag er Alþjóðlegur dagur sjaldgæfra sjúkdóma og heilkenna og var gaman að sjá knapa leggja góðu málefni lit. Þess má geta að Toyota Selfossi bauð áhorfendum frítt í stúkuna að þessu sinni og þökkum við þeim kærlega fyrir það!

Kvöldið hófst með sýningu Þorgeirs Ólafssonar og Aþenu frá Þjóðólfshaga 1 og áttu glæsilega sýningu. Að lokinni forkeppni voru það Ásmundur Ernir Snorrason og Askur frá Holtsmúla 1 sem leiddu en fast á hæla hans komu Teitur og Nóta frá Flugumýri II, Glódís Rún og Snillingur frá Íbishóli, Sigurður Vignir og Hlekkur frá Saurbæ, Árni Björn og Ísbjörg frá Blesastöðum 1A og Eyrún Ýr og Hrannar frá Flugumýri II sem öllu unnu sér keppnisrétt í A-úrslitum.

Það mátti búa sig undir spennandi fimmgangs úrslit. Stúkan var þétt setin og mikil stemning var í höllinni. Þegar komið var að loka atriðinu, skeiðinu, leiddu Eyrún Ýr og Hrannar frá Flugumýri II en þau komu síðust inn í úrslitin. Hver glæsispretturinn á fætur öðrum mátti sjá og mikil spenna ríkti hver myndi standa uppi sem sigurvegari. Að lokum voru það reynsluboltarnir Eyrún Ýr og Hrannar frá Flugumýri II og ljóst að enn einn titillinn bætist í hús hjá þessu glæsilega pari, sigur í fimmgangi Meistaradeildar Líflands 2024. Í öðru sæti voru Sigurður Vignir og Hlekkur frá Saurbæ, Glódís Rún og Snillingur frá Íbishóli í því þriðja. Þar á eftir Ásmundur Ernir og Askur frá Holtsmúla I í því fjórða, Teitur og Nóta frá Flugumýri II í því fimmta og loks Árni Björn og Ísbjörg frá Blesastöðum II í því sjötta.

​

Liðakeppni kvöldsins sigraði lið Top Reiters með 54 stig en liðið var með alla sína knapa í úrslitum, þau Teit Árnason, Eyrúnu Ýri Pálsdóttur og Árna Björn Pálsson. Eftir fimmganginn leiðir Glódís Rún einstaklingskeppnina með 28 stig.

Liðakeppni kvöldsins
1. Top Reiter 54 stig
2. Hestvit/Árbakki 33.5 stig
3. Ganghestar/Margrétarhof 32.5 stig
4. Þjóðólfshagi/Sumarliðabær 32.5 stig
5. Hrímnir/Hest.is 32 stig
6. Austurkot/Pula 25 stig
7. Hjarðartún 21.5 stig

Staðan í liðakeppni
1. Hestvit / Árbakki 130.5 stig
2. Ganghestar / Margrétarhof 118.5 stig
3. Hjarðartún 116.5 stig
4. Top Reiter 99 stig
5. Hrímnir / Hest.is 93.5 stig
6. Þjóðólfshagi / Sumarliðabær 73 stig
​7. Austurkot / Pula 61 stig

Staðan í einstaklingskeppni
1. Glódís Rún Sigurðardóttir 28 stig
2. Jakob Svavar Sigurðsson 22 stig
3. Aðalheiður Anna Guðjónsdóttir 17 stig
4. Ásmundur Ernir Snorrason 15 stig
5. Eyrún Ýr Pálsdóttir 12 stig

NIÐURSTÖÐUR FIMMGANGUR F1
1 Eyrún Ýr Pálsdóttir Hrannar frá Flugumýri II Top Reiter 7,83
2 Sigurður Vignir Matthíasson Hlekkur frá Saurbæ Ganghestar / Margrétarhof 7,36
3 Glódís Rún Sigurðardóttir Snillingur frá Íbishóli Hestvit / Árbakki 7,31
4 Ásmundur Ernir Snorrason Askur frá Holtsmúla 1 Hrímnir / Hest.is 7,29
5 Teitur Árnason Nóta frá Flugumýri II Top Reiter 7,19
6 Árni Björn Pálsson Ísbjörg frá Blesastöðum 1A Top Reiter 7,14
7 Þorgeir Ólafsson Aþena frá Þjóðólfshaga 1 Þjóðólfshagi / Sumarliðabær 6,77
8 Ólafur Andri Guðmundsson Móeiður frá Feti Austurkot / Pula 6,70
9-12 Bjarni Jónasson Harpa Sjöfn frá Hvolsvelli Þjóðólfshagi / Sumarliðabær 6,67
9-12 Elvar Þormarsson Djáknar frá Selfossi Hjarðartún 6,67
9-12 Ragnhildur Haraldsdóttir Ísdís frá Árdal Ganghestar / Margrétarhof 6,67
9-12 Gústaf Ásgeir Hinriksson Hringjari frá Efri-Fitjum Hestvit / Árbakki 6,67
13 Jóhann Kristinn Ragnarsson Spyrnir frá Bárubæ Austurkot / Pula 6,60
14 Flosi Ólafsson Steinar frá Stíghúsi Hrímnir / Hest.is 6,57
15-17 Sigurður Sigurðarson Mánadís frá Litla-Dal Þjóðólfshagi / Sumarliðabær 6,50
15-17 Jakob Svavar Sigurðsson Gleði frá Hólaborg Hjarðartún 6,50
15-17 Viðar Ingólfsson Eldur frá Mið-Fossum Hrímnir / Hest.is 6,50
18 Hans Þór Hilmarsson Ölur frá Reykjavöllum Hjarðartún 6,43
19 Pierre Sandsten Hoyos Heba frá Íbishóli Hestvit / Árbakki 6,40
20 Páll Bragi Hólmarsson Snjall frá Austurkoti Austurkot / Pula 6,13
21 Aðalheiður Anna Guðjónsdóttir Kamma frá Margrétarhofi Ganghestar / Margrétarhof 5,97
22 Konráð Valur Sveinsson Seiður frá Hólum UPPBOÐSSÆTI 5,57