 Seinasta mót Meistaradeildar Líflands fer fram föstudaginn 8.april á Ingólfshvoli en þá verður keppt í tölti og 100m flugskeiði í gegnum höllina. Keppni hefst kl 18:00 á tölti.
Árni Björn leiðir einstaklingskeppnina með 50 stig. En á eftir honum kemur Teitur með 34 stig. En Teitur er ekki þekktur fyrir að gefast upp og mun leggja allt undir í töltinu og skeiðinu. Það er ljóst að það er gríðarlega sterk töltkeppni framundan og fljótustu hestar landsins munu mæta á lokamót deildarinnar. Frítt er inn í höllina fyrir áhorfendur í boði Meistaradeildar Líflands.Hlynur Snær Theodórsson trúbador ætlar spila vel valin lög fyrir gesti. Veitingar og drykkir í boði. Fylgist með Meistaradeildinni á Instagram undir nafninu meistaradeildin og munið eftir að merkja okkur á myndir / video sem þið takið á viðburðinum með #meistaradeildin.
Árni Björn Pálsson sigraði tvöfalt á Brávöllum á Selfossi í dag þegar keppt var í Gæðingaskeiði og 150m skeiði. Með sigrunum tveimur í skeiðgreinunum stendur hann nú lang efstur í einstaklingskeppninni með 50 stig Lið Hjarðartúns hlaut liðaplattann fyrir Gæðingaskeiðið með Elvar Þormarsson, Þórarinn Ragnarsson og Jakob Svavar Sigurðsson í fararbroddi. Lið Auðsholtsjáleigu hlaut liðaplattan í 150m skeiði en fyrir lið Auðsholtshjáleigu kepptu Daniel Gunnarsson, Þórdís Erla Gunnarsdóttir og Sara Sigurbjörnsdóttir. Lið Topreiter stendur enn efst í stigakeppninni með með 282 stig. Niðurstöður má sjá hér að neðan. Niðurstöður úr Gæðingaskeiði:  Niðurstöður úr 150m skeiði:  Staðan í einstaklingskeppninni:  Staðan í liðakeppninni:   Næsta mót Meistaradeildar verður haldið laugardaginn 26.mars á Brávöllum á Selfossi þegar knapar keppa í Gæðingaskeiði og 150m skeiði. Keppni hefst kl 11.
Að venju verður bein útsending frá Rúv2 og Alendis. Knapi sem vill keppa í skeiði í Meistaradeildinni getur keypt sér keppnisrétt sem 25 knapi. Skráning fer fram á info@meistaradeild.is og lýkur á hádegi kl 12 fimmtudaginn 25. mars. Þátttökugjald er 50.000kr. Hér er hægt að nálgast reglur um uppboðssæti Meistaradeildar https://www.meistaradeild.is/leikreglur.html. Hlökkum til að sjá ykkur.  Gríðarlega sterkri Gæðingakeppni var nú að ljúka í Ölfushöllinni. Það er óhætt að segja að margar frábærar og vel útfærðar sýningar sáust í kvöld. Úrslitin voru gríðarlega sterk og hart var barist um efstu sætin. Teitur Árnason fór efstur inn í úrslit eftir forkeppni. Í úrslitum hélt hann efsta sætinu með frábæra sýningu á Takti. Að honum sóttu þó hart norðanfólkið þau Mette Mannseth og Gísli Gíslason með úrvals góðar og vel útfærðar sýningar og frábæra reiðmennsku. Teitur Árnason stendur efstur í einstaklingskeppninni eftir fjórar greinar með 30 stig. Lið Ganghesta/Margrétarhofs unnu liðaplattan í kvöld með 58 stig. Það voru þær Ragnhildur Haraldsdóttir, Glódís Rún Sigurðardóttir og Aðalheiður Anna Guðjónsdóttir sem kepptu fyrir þeirra hönd. Lið Top Reiter leiðir enn liðakeppnina eftir fjórar greinar með 193,5 stig. Nú eru einungis tvö mót eftir og fjórar keppnisgreinar, skeiðgreinar og töltkeppni og spennan mikil í einstaklings og liðakeppninni. Hér að neðan má sjá hvernig úrslit kvöldins fóru. Niðurstöður úr A-úrslitum:  Niðurstöður úr forkeppni:  Niðurstöður úr einstaklingskeppni:  Niðurstöður úr liðakeppni:   Ráslistinn er klár fyrir Gæðingafimina sem haldin verður á Ingólfshvoli á morgunn.
25 knapar eru skráðir til leiks og það er ljóst að hart verður barist um sætin og reikna má með gríðarlega spennandi keppni. Þrír villikettir eru skráðir til leiks i þetta skiptið, þeir keppa fyrir lið Hjarðartúns, Þjóðólfshaga/Sumarliðabæ og Skeiðvelli/Storm Rider. Vilfríður Fannberg Sæþórsdóttir keppir svo í uppboðssæti á hestinum Viljari frá Múla. Ekki missa af spennandi keppni í Gæðingafimi.  Föstudaginn 18.mars verður keppt í Gæðingafimi í Meistaradeild Líflands í hestaíþróttum á Ingolfshvoli í Ölfusi.
Gæðingafimi er gríðarlega krefjandi keppnisgrein þar sem reynir á ganghæfileika og þjálfunarstig hests og knapar þurfa að koma vel undirbúnir til leiks. Keppendur fá allt að 5 min til að sýna það besta sem hesturinn hefur upp á að bjóða og nú í ár verður í fyrsta skipti keppt eftir reglum LH. Hart var barist í fyrra í úrslitum, þar voru þaulvanir hestar og knapar. Jakob Svavar Sigurðsson sigraði með frábærlega vel útfærða og glæsilega sýningu á hestinum Hálfmána frá Steinsholti og 8.60 í einkunn. Nú í ár er mikið um nýja hesta og knapa sem spennandi verður að fylgjast með hvernig til tekst. Frítt er inn í höllina fyrir áhorfendur. Húsið opnar kl. 17 Boðið verður upp á sunnlenska kjötsúpu og drykki í öllum stærðum og gerðum. Knapi sem vill keppa í Gæðingafimi í Meistaradeildinni getur keypt sér keppnisrétt sem 25 knapi. Skráning fer fram á info@meistaradeild.is og lýkur á hádegi kl 12 miðvikudaginn 16.mars. Þátttökugjald er 50.000kr. Hér er hægt að nálgast reglur um uppboðssæti meistaradeildar https://www.meistaradeild.is/leikreglur.html. Hlökkum til að sjá ykkur :)  Þriðja mót Meistaradeildar Líflands í hestaíþróttum fór fram í kvöld 25.febrúar í Samskipahöllinni. Frá og með deginu í dag var öllum takmörkunum og opinberum sóttvarnaraðgerðum aflétt sem gaf leyfi fyrir áhorfendur. Fjöldi manns mætti sem skapaði létta og skemmtilega stemmningu í höllinni. Aðstæður fyrir knapa voru afar erfiðar vegna mikillar úrkomu og vinds sem setti svip sinn á keppnina en þrátt fyrir það sáust margar frábærar sýningar . Það var ofurparið Árni Björn og Katla sem stóðu efst eftir forkeppni með einkunina 7.43. Mjótt var á munum í úrslitum en Árni Björn og Katla héldu sínu sæti og stóðu upp sem sigurvegarar kvöldsins með einkunina 7.36. Í öðru sæti urðu Glódís Rún og Snillingur frá Íbíshól með einkunina 7.31 og í því þriðja urðu Hinrik Bragason og Telma frá Árbakka með 7.26 í einkun. Tvö lið hlutu liðaplattann í kvöld. Það voru lið Ganghesta/Margrétarhofs og lið Auðsholtshjáleigu með 51 stig hvort lið. Lið Top Reiter trónir enn á toppnu í liðakeppninni með 143 stig. Stigahæsti knapinn eftir 3 keppnisgreinar er siguvegari kvöldsins Árni Björn Pálsson með 21 stig. Allar niðurstöður er hægt að nálgast hér að neðan. Niðurstöður A úrslit  Niðurstöður úr forkeppni 
 Niðurstöður úr liðakeppni   Ráslistinn er klár fyrir fimmganginn. 26 knapar eru skráðir til leiks þar á meðal eru nokkrir nýjir hestar sem gaman verður að fylgjast með. Það er ljóst að það verður gríðarleg barátta á morgunn í Samskipahöllinni og mikill hugur er í knöpunum.
Upphitunarhestar fyrir dómara verða knapar í U-21 árs landsliði Íslands. Það eru þau Gyða Sveinbjörg Kristinsdóttir með Vísi frá Helgatúni og Kristófer Darri Sigurðsson með hestinn Ísafold frá Velli  Eftir miklar umræður og vangaveltur vegna veðurspáar hefur verið ákveðið að halda tilsettri dagsetningu og halda keppnina í fimmgangi föstudaginn 25. febrúar. Breyting hefur þó orðið á tímasetningu en ákveðið hefur verið að seinka keppninni til kl 20. Dagskrá RÚV hefst kl 20 með sérfræðingunum Huldu Geirs og Steindóri Guðmunds. Dagskrá Alendis hefst kl 19.30 með sérfræðingunum Telma Lucinda Tómassonog Edda Run. En Edda er vel kunnug fyrir snilli sína í fimmgangs- og skeiðgreinum Húsið opnar kl 17.30. Frítt er inn í höllina í boði Líflands. Í boði verða kótelettur í raspi og drykkir af öllum stærðum og gerðum. Hlökkum til að sjá ykkur. Kær kveðja stjórn
Næsta grein Meistaradeild Líflands í hestaíþróttum er fimmgangur í Samskipahöllinni föstudaginn 25. febrúar. Dagskrá hefst kl 19.00 í opinni dagskrá á Rúv 2 og streymi frá Alendis.
Knapi sem vill keppa í fimmgangi í meistaradeildinni getur keypt sér keppnisrétt sem 25 knapi. Skráning fer fram á info@meistaradeild.is. Þátttökugjald er 50.000kr, vilji fleiri en einn taka þátt mun hæstbjóðandi gilda. Skráningu lýkur miðvikudaginn 23. febrúar kl 22. Frítt er inn í höllina fyrir gesti og gangandi fólk, húsið opnar kl 17:30. Boðið verður upp á kótilettur í raspi og drykki. Hlökkum til að sjá sem flesta á föstudaginn í Samskipahöllinni. Flosi Ólafsson og Forkur frá Breiðbólsstað stóðu uppi sem sigurvegarar í slaktaumatöltinu.2/10/2022
Keppni í slaktaumatölti í TM reiðhöllinni er nú lokið. Margar frábærar sýningar sáust í kvöld og hestakostur frábær. Árni Björn og Katla stóðu efst eftir forkeppni með einkunina 7.97. Í úrslitum léku þeir Flosi og Forkur á alls oddi og sigruðu örugglega með einkunina 8.21. Kasta þurfti hlutkesti um annað sæti milli Hinriks og Árna Björns sem endaði þannig að Árni Björn varð annar og Hinrik í því þriðja. Í fjórði sæti varð Sigursteinn, á eftir honum komu svo Helga Una í því fimmta og Jakob Svavar í sjötta. Liðakeppnina í kvöld vann lið Hrímnis/Hest.is með 2 stigum. Lið Top reiter stendur efst eftir 2 keppnisgreinar með 96 stig samtals. Öll úrslit má sjá hér að neðan. Niðurstöður úr A úrslitum  Niðurstöður úr forkeppni  Niðurstöður úr liðakeppni  Niðurstöður úr einstaklingskeppni   Meistaradeild Líflands í hestaíþróttum heldur áfram á morgunn fimmtudag þegar keppt verður í slaktaumatölti (T2) í TM reiðhöllinni í Víðdal. Keppnin hefst kl 19 í opinni dagskrá á RÚV2 og á Alendis.is. Áhorfendur eru leyfðir allt að 500 manns. Frítt er inn á viðburðinn en húsið opnar kl 18.30.
Silli kokkur verður með veitingarvagninn á svæðinu þar sem hægt verður að fá nauta, hreindýra eða gæsahamborgar frá kl 17.45. Tveir knapar í U-21 árs landsliðinu munu hita upp fyrir dómara. Það eru þau Katla Sif Snorradóttir með hestinn Bálk frá Dýrfinnustöðum og Signý Sól Snorradóttir með Rafn frá Melabergi. Vonumst til að sjá sem flesta.
Meistaradeild Líflands í hestaíþróttum heldur áfram n.k fimmtudag 10.febrúar þegar keppt verður í slaktaumatölti (T2) í TM reiðhöllinni í Víðidal. Dagskrá hefst kl 19.00 í opinni dagskrá á Rúv2 og streymi frá Alendis. Frítt er inn í höllina fyrir gesti og áhorfendur allt upp að 500 manns, samkvæmt sóttvarnarreglum.
Slaktaumatölt fer sífellt vaxandi sem keppnisgrein en hún er krefjandi og reynir á jafnvægi og traust milli knapa og hests. Knapi sem vill keppa í slaktaumatölti í meistaradeildinni getur keypt sér keppnisrétt sem 25 knapi. Skráning fer fram á info@meistaradeild.is. Þátttökugjald er 50.000kr, vilji fleiri en einn taka þátt mun hæstbjóðandi gilda. Skráningu lýkur kl 18.00 þriðjudaginn 8. febrúar.
. Spennandi keppni í fjórgangi Meistaradeildar Líflands er nú lokið. Mikið var um ný andlit bæði í hópi manna og hesta. Teitur Árnason leiddi forkeppnina á hestinum Takt frá Vakurstöðum með einkunina 7,37. Á eftir honum jafnir í öðru og þriðja sæti voru Pierre Sandsten-Hoyos og Sigurður Sigurðarson með 7.13 í einkunn, Í úrslitum snérust leikar við og var það Sigurður sem kom sá og sigraði á hestinum Leik frá Vesturkoti með einkunina 7,57. Sara Sigurbjörnsdóttir stóð sig gríðarlega vel og endaði önnur á Flugu frá Oddhóli með einkunina 7,50 og Teitur og Taktur enduðu í þriðja sæti með einkunina 7,43. Liðakeppnina vann lið Top Reiter með 51,5 stig.
 Niðurstöður úr forkeppni  Niðurstöður úr liðakeppni 
Dregið hefur verið í ráslista í fjórgangi í fyrstu keppni Meistaradeildar. Ráslistann er hægt að nálgast í Kappa. Keppnin hefst kl 19 í opinni dagskrá á RÚV 2 og streymi frá Alendis. Áður en keppnin hefst munu tveir knapar í U-21 árs landsliði Íslands ríða fjórgangsprógram sem upphitunarhestar. Það eru þau Hulda María Sveinbjörnsdóttir á hestinum Muninn frá Bergi og Hákon Dan Ólafsson á Svörtu Perlu frá Álfhólum. 
Eitt sæti er laust í fjórgangskeppni Meistaradeildar Líflands sem hefst 27. janúar næstkomandi. Lög deildarinnar segja til um að einn einstakur knapi getur keypt sér keppnisrétt, ef fleiri en einn vilja taka taka þátt mun hæstbjóðandi gilda. Hægt er að nálgast reglurnar hér https://www.meistaradeild.is/leikreglur.html Skráningarfrestur er til 25.janúar. Þeir sem hafa hug á að næla sér í sæti og keppa meðal þeirra bestu senda tilboð á info@meistaradeild.is. Stjórn Meistaradeildar Líflands í hestaíþróttum One place is available in the 4 gait competition in the Champions League, which starts January 27th. The rules of the league state that an individual rider can buy the right to compete. If more than one rider wants to participate, the highest bidder will apply. You can access the rules here https://www.meistaradeild.is/leikreglur.htm. The deadline to register is to January 25th. Please send an offer with registration to the email address info@meistaradeild.is if you want to compete among the best in the world. The board of the Lífland Champions league
Framundan er fyrsta mót ársins í Meistaradeild Líflands 2022. Vegna hraðvaxandi fjölgun COVID-19 smita í samfélaginu undanfarna daga og vikur verðu ekki hægt að leyfa neina áhorfendur í höllina í þetta sinn. Mótið verður haldið samkæmt nýjustu sóttvarnarreglum sem settar hafa verið fram af Landlæknisembættinu og Heilbrigðisráðaneytinu. Hvetjum alla til að fylgjast með og njóta keppninnar í beinni útsendingu á RÚV2 eða streyminu á Alendis og kíkja svo við á Instagram síðu meistaradeildarinnar.
Sala á ársmiðum á Meistaradeild Líflands í hestaíþróttum 2022 er hafin á tix.is en stakir miðar á keppniskvöldin verða ekki í boði. Hér er hægt að nálgast miða: https://tix.is/is/event/12557/meistaradeild-i-hestai-rottum/
Meistaradeild Líflands í hestaíþróttum 2022 er mótaröð sex móta, frá lok janúar og fram í lok apríl, þar sem úrvals knapar keppa í 8 keppnisgreinum. Hver ársmiði á Meistaradeild Líflands í hestaíþróttum gildir einnig sem happadrættismiði, hver miði er númeraður og á lokahátíðinni í apríl þá verður dregið úr 10 veglegum vinningum. Þetta er án efa besta jólagjöf hestamannsins í ár. Dagskrá 2022 27. janúar kl. 19 – Fjórgangur – Ingólfshvoll 10. febrúar kl. 19 – Slauktaumatölt – TM höllin 25. febrúar kl. 19 – Fimmgangur – Samskipahöllin 18. mars kl. 19 – Gæðingafimi – Ingólfshvoll 26. mars kl. 13 – Gæðingaskeið og 150m skeið – Selfoss 9. apríl kl. 14 – Tölt og 100m skeið – lokahátíð – Ingólfshvo Með kærri kveðju, Stjórn Meistaradeild Líflands í hestaíþróttum 
|
