Meistaradeild Líflands 2023 hefst á keppni í fjórgangi

Það fer senn að líða að fyrsta móti Meistaradeildar Líflands 2023. Fyrsta mótið verður fimmtudaginn 26. janúar í fjórgangi V1.
Eins og fram hefur komið verða mótin haldin í HorseDay höllinni á Ingólfshvoli.

​Veitingar verða í boði í veitingasalnum bæði fyrir fyrir keppni og í hléi. Tómas Þóroddsson,  veitingaeigandi á Selfossi, mun sjá um veitingarnar, heitan mat og drykki, þannig að allir ættu að finna eitthvað við sitt hæfi. Við hvetjum alla til að mæta tímanlega og nýta sér þessa þjónustu sem eigendur HorseDay hallarinnar eru að bjóða upp á. 

Við í stjórn meistaradeildarinnar hlökkum mikið til að tímabilið hefjist og vonumst til að sjá sem flesta í stúkunni en það verður frítt inn í höllina í boði Íslenskra verðbréfa.
Þeir sem ekki komast þá að sjálfsögðu mælum við með að allir tryggi sér áskrift hjá Alendis og fylgist með í beinni útsendingu.

Það er veisla fram undan! Bestu knapar landsins eru að mæta til að berjast um titilinn 2023! Hver ætli að vinni fjórganginn í ár? ​