Alendis og Meistaradeild Líflands hafa samið um sýningarrétt og framleiðslu

Streymisveitan og framleiðslufyrirtækið Alendis og Meistaradeild Líflands í hestaíþróttum hafa undirritað samstarfssamning um útsendingarrétt og framleiðslu á streymis - og sjónvarpsefnis frá Meistaradeild Líflands veturinn 2023. Alendis mun taka upp deildina ásamt því að sýna beint frá henni á Alendis í vetur. 

Meistaradeild Líflands verður streymt á 3 tungumálum, íslensku, þýsku og ensku. Öll þáttagerð í kringum deildina verður einnig í höndum Alendis. Mótin verða alls sex talsins, fimm fara fram á Ingólfshvoli og skeiðmótið fer fram á Brávöllum Selfossi.

Á mynd Sigurbjörn Eiríksson framkvæmdastjóri Meistaradeildar Líflands og Hrefna María Ómarsdóttir framkvæmdastjóri Alendis undirritaðu samninginn í dag á Logos Lögmannsstofu.