 Allt sem þú þarft að vita fyrir kvöldið!
Í kvöld, 23. janúar, fer fram spennandi keppni í fjórgangi í Meistaradeild Líflands. Keppnin hefst klukkan 19:00 og verður haldin í HorseDay höllinni á Ingólfshvoli. Þetta er viðburður sem enginn hestáhugamaður ætti að láta fram hjá sér fara! IB.IS býður frítt í stúkuna! IB.IS býður öllum áhorfendum frítt í stúkuna, sem gerir þetta einstakt tækifæri fyrir fjölskyldur og vini að mæta á staðinn. Veitingar og hlaðborð! Veisluþjónusta Suðurlands mun bjóða upp á hlaðborð og aðrar veitingar á staðnum. Ef gestir panta hlaðborðið fyrirfram tryggja þeir sér frátekið sæti á besta stað í stúkunni. Hægt er að panta hlaðborðið á vefsíðunni dineout.is. Fylgstu með heima í stofu Fyrir þá sem komast ekki á staðinn verður keppnin í beinni útsendingu á www.eidfaxitv.is. Tryggðu þér áskrift og vertu með okkur heima í stofu. Ekki missa af þessu! Meistaradeild Líflands hefur ávallt boðið upp á spennu, frábæra knapa og glæsilega hesta. Kvöldið lofar góðu fyrir alla hestáhugamenn, bæði áhorfendur á staðnum og heima í stofu. Ráslista má nálgast HÉR eða á HorseDay appinu! Munið að mæta tímanlega og njóta góðra hesta. Þar sem hestamenn koma saman, þar er gaman! Sjáumst í kvöld! |