 Það er EQUES sem ætlar að bjóða ykkur velkomin í HorseDay höllina þegar keppt verður í fimmgangi F1 í Meistaradeild Líflands. Keppni hefst stundvíslega kl. 19:00, föstudaginn 20. febrúar. Í fyrra voru það Þorgeir Ólafsson og Aþena frá Þjóðólfshaga sem sigruðu eftirminnilega. Á miðvikudaginn kemur svo í ljós hvort þau mæti aftur til leiks þegar dregið verður í rásröð hjá EIÐFAXA TV. ÁB veitingar mun bjóða upp á hið margrómaða hlaðborð sem færir ykkur einnig frátekið sæti í stúkunni á besta stað – en aðeins ef þið pantið fyrir fram! Tilvalið að mæta með vinahópnum eða fjölskyldu og eiga skemmtilega kvöldstund, gæða sér á góðum mat og horfa á bestu knapa og gæðinga landsins. Húsið opnar kl. 17:00. Pantanir á hlaðborðið fara fram hér: HÉR Fyrir þá sem komast ekki í höllina verður keppnin sýnd í beinni útsendingu á www.eidfaxitv.is þar sem hægt verður að fylgjast með keppninni ásamt skemmtilegum viðtölum og kappkostað er að senda stemninguna úr höllinni heim í stofu! Sjáumst hress á föstudaginn!
|
